Sana munosabati bilan Toshkent tibbiyot akademiyasi Termiz filiali psixologi G.G‘oziyeva hamda filial psixologiya fani o‘qituvchisi M.Shamayeva tashabbusi bilan filial jamoasi o‘rtasida “Yashash uchun ming bir sabab”, “Maqsad sari olg‘a”, “Siz uddalaysiz” mavzularida ko‘tarinki kayfiyat ulashuvchi treninglar tashkil etildi.
    Hayotning pastu-baland yo‘llarida adashgan insonlar dardiga malham bo‘layotgan, psixologik bilimlarini kundan-kunga oshirib, insonlarning ruhan, ma’nan o‘sishiga munosib hissa qo‘shayotgan soha mutaxassislarini bugungi 22 noyabr-Xalqaro psixologlar kuni bilan chin dildan muborakbod etamiz.