Tibbiyot fanlar doktori Muhammadiyev Raxmon Omonovich Turkiya Respublikasi Izmir shahrida joylashgan Ege universitetining Oftalmologiya kafedrasiga tashrif buyurdi.
Dastlab, professor Raxmon Omonovich Ege universitetining Oftalmologiya kafedrasining professorlari bilan uchrashdi hamda kafedra professori Filiz Afrashiga o’zining ingliz tilida tayyorlangan darslik kitobi hamda ksenotransplantatini taqdim etdi.
Shuningdek, professor Raxmon Omonovich Oftalmologiya klinikasida katarakta, g’ilaylik va vitreoretinal amaliyotlarida ishtirok etdi.
Ma’lumot o’rnida, Ege universitetining Oftalmologiya klinikasi 50 o’rinli bo’lib, unda aksariyat xonalar 1 o’rinli va 3 o’rinli xonalardan iborat. Bo’limda yosh oftalmologlar uchun trening markazi mavjud bo’lib, unda ko’z operatsiyalari o’tkaziladi. Shuningdek, bo’limda katta kutubxona va shu kungacha ushbu klinikada ishllagan oftalmologlarning suratlari aks etgan.
