TTA Termiz filialida “Direktor va yoshlar uchrashuvi”, ochiq muloqotlar davom etmoqda. Ana shunday muloqotlardan biri bugun filial axborot resurs markazida bo‘lib o‘tdi.
  Tashkil etilgan uchrashuvda TTA Termiz filiali direktori F.A.Otamuradov talabalarning ilm-fan sohasidagi yutuqlari, ijtimoiy hayotdagi faolligi va ularning mamlakat taraqqiyotidagi o‘rniga alohida to‘xtaldi.
Shuningdek uchrashuvda filial direktori Prezident Shavkat Mirziyoyevning Ko‘ksaroy qarorgohida yoshlar bilan o‘tkazgan ochiq muloqoti hamda sport masalalari yuzasidan o‘tkazilgan videoselektorida ko‘tarilgan dolzarb masalalar yuzasidan o‘z fikrlarini bildirdi.
  Ochiq muloqotda talabalarni qiziqtirgan savollariga javob berildi, fikr va takliflar tinglandi. Bunday muloqotlar yoshlarning tashabbuslarini qo‘llab-quvvatlash va ularni kelajakdagi rivojlanish yo‘liga undashda muhim ahamiyat kasb etadi.