Joriy yilning 11-mart kuni Rossiya mamlakatining Nijniy Novgorod shahri Privoljsk tibbiyot universitetidan Chet tillar kafedrasi katta o‘qituvchisi I.A. Kuznetsova, biologiya fanlari nomzodi, dotsent Kalashnikov Ilya Nikalaevich hamda Privoljsk tibbiyot universiteti normal anatomiya kafedrasi mudiri Irina Gennadevna Stelnikovalar tashrif buyurishdi.
“O‘zbek va xorijiy tillar” kafedrasiga tashrif buyurgan I.A. Kuznetsova tomonidan1-2-bosqich PIMU talabalariga “Rus tili” fanidan mahorat darsi tashkil qilindi.
Kalashnikov Ilya Nikalaevich 1 kurs talabalariga meditsina biologiyasi fanidan, Irina Gennadevna Stelnikova esa filial talabalariga anatomiya fanidan ma’ruza o‘qishdi.
Dars davomida talabalar o‘zlarini qiziqtirgan savollarga javob olishdi.
Tashrif buyuruvchilarga kafedra mudirlari tomonidan talabalar uchun amaliy dars jarayonlarida qulaylik yaratilgan semulyatsion markaz ham tanishtirib o‘tildi.
