Hurmatli talabalar, aziz yoshlar!
Sizlarni yangi 2025/2026 o‘quv yili boshlanishi munosabati bilan chin qalbimdan muborakbod etaman!
Bugun sizlar ilm-ma’rifat sari dadil qadam tashlab, tibbiyot sohasining mashaqqatli, lekin sharafli yo‘lini tanlagan yoshlarsiz. Har bir yangi o‘quv yili — bu yangi marralar, yangi orzular va yangi imkoniyatlar demakdir. Sizlar bilan yana bir bor uchrashganimdan mamnunman va o‘qish, izlanish, rivojlanish yo‘lidagi harakatlaringizda doimo sizga dalda bo‘lishga tayyorman.
Toshkent davlat tibbiyot universiteti Termiz filiali yosh, ammo salohiyatli, kuchli ilmiy-pedagogik jamoasi bilan sizlarga zamonaviy bilimlar, malakalar va amaliy ko‘nikmalarni berishga intiladi. Sizlardan esa faqat bir narsa talab etiladi — bu intilish, tirishqoqlik va fidoyilik.
Aziz talabalar!
Bugungi kunda Prezidentimiz rahnamoligida tibbiyot sohasida keng ko‘lamli islohotlar olib borilmoqda. Bu jarayonda siz, kelajakdagi malakali shifokorlar, hamshiralar, farmatsevtlar — yurtimizning eng muhim boyligisiz. Ilm bilan qurollangan, halol, fidoyi kadrlar bo‘lish sizning eng muhim vazifangizdir.
Yangi o‘quv yilida barchangizga mustahkam sog‘lik, yuksak muvaffaqiyat, sabr-toqat va omad tilayman! Har bir kuningiz mazmunli darslar, qiziqarli tajribalar va yorqin yutuqlarga boy bo‘lsin!
Yangi o‘quv yilingiz muborak bo‘lsin!
Hurmat bilan,
Otamuradov Furqat Abdukarimovich
Toshkent davlat tibbiyot universiteti Termiz filiali direktori
