Kitobxonlik madaniyatini rivojlantirish, talabalar hamda keng jamoatchilik o‘rtasida kitob o‘qishga bo‘lgan qiziqishni yanada oshirish maqsadida, Toshkent davlat tibbiyot universiteti Termiz filiali hududida kitob yarmarkasi tashkil etildi.

Ushbu ma’naviy-ma’rifiy tadbirda filialning professor-o‘qituvchilari, xodimlari hamda talaba yoshlari faol ishtirok etib, tibbiyot, badiiy adabiyot, ilmiy-ommabop hamda ma’naviy-ma’rifiy yo‘nalishdagi turli xil kitoblar bilan yaqindan tanishish imkoniyatiga ega bo‘lishdi.

Yarmarkaning asosiy afzalliklaridan biri — kitoblarni qulay va arzon narxlarda xarid qilish imkoniyati yaratilgani bo‘lib, bu esa yoshlarning mutolaaga bo‘lgan qiziqishini yanada oshirishga xizmat qildi.