O‘zbekiston Respublikasi Vazirlar Mahkamasining 2018-yil  5-martdagi 172-sonli qarori bilan Toshent tibbiyot akademiyasi Termiz filiali tashkil etilgan bo‘lib, filial tashkil etilganda jami 3 ta kafedra faoliyat yuritgan. Hozirda kafedrada o‘qitilayotgan tibbiy kimyo va biologik kimyo fanlari o‘sha vaqtda 1-tibbiy-biologik fanlar kafedrasi tasarrufida bo‘lgan. 2021-2022 o‘quv yilida ushbu fanlar Davolash fakultetining Tibbiy va biologik fanlar kafedrasi tarkibida bo‘lgan. 2022-2023 o‘quv yilidan boshlab esa tibbiy kimyo va biologik kimyo fanlari Pediatriya fakultetining Tibbiy va biologik kimyo kafedrasi tarkibida faoliyat olib bormoqda.
Tibbiy va biologik kimyo kafedrasi 1-о‘quv binosi 1-qavatda joylashgan. Kafedrada o‘quv reja bo‘yicha davolash ishi, pediatriya ishi va halq tabobati ta’lim yo‘nalishlariga 1-bosqichda tibbiy kimyo, 2-bosqichda esa biologik kimyo fanlaridan ma’ruza, amaliy va laboratoriya mashg‘ulotlari olib boriladi.
2021-2022 o‘quv yilidan kafedrada Rossiya Federatsiyasining Privoljsk ilmiy tadqiqot tibbiyot universiteti bilan hamkorlikda ochilgan “davolash ishi” va “pediatriya ishi” qo‘shma ta’lim dasturi talabalariga kimyo va analitik tadqiqot usullari fanlaridan mashg‘ulotlar olib borilmoqda.
2022-2023 o‘quv yilidan kafedrada Hindiston Respublikasidan kelib tahsil oluvchi xorijiy talabalarga tibbiy kimyo fanidan ma’ruza va amaliy mashg‘ulotlar olib borilmoqda.
Hozirda kafedrada jami 25 nafar professor-o‘qituvchilar faoliyat olib borishadi, shundan, 6 nafari asosiy va 19 nafari o‘rindoshlik asosida. Shuningdek, kafedrada 4 nafar xorijiy (Tojikiston va Qozog`iston) professor-o‘qituvchilar faoliyat olib borishmoqda.
Kafedraning ilmiy salohiyati – 50 %.