Dolzarb 90 kunlik yozgi loyihalar doirasida mamlakatimiz oliy ta’lim muassasalari talabalari o‘rtasida sog‘lom turmush tarzini targ‘ib qilish, bo‘sh vaqtni mazmunli o‘tkazish va iqtidorlarni yuzaga chiqarish maqsadida sport o‘yinlari va «5 muhim tashabbus» yo‘nalishlarida faol tadbirlar o‘tkazilmoqda.
Sport musobaqalari – voleybol, mini-futbol, stol tennisi, shaxmat kabi yo‘nalishlarda o‘tkazilib, talabalar o‘z jismoniy salohiyatini sinovdan o‘tkazishmoqda.
Shu bilan birga, ijodiy to‘garaklar – musiqa, teatr, tasviriy san’at, IT va kitobxonlik bo‘yicha mashg‘ulotlar orqali talabalar o‘z qiziqish va iste’dodlarini namoyon etishmoqda.
Faol ishtirok, sog‘lom raqobat, ijodiy muhit – bularning barchasi talabalarning o‘sishi va rivojlanishida muhim omil bo‘lmoqda.