Kecha TTA Termiz filialiga Hindiston mamlakatidan kelib tahsil olayotgan filial talabalari ishtirokida Hindistonning tarixiy shaxsi Chhatrapati Shivaji Maxarajning 395 yilligi munosababati bilan tadbir o‘tkazildi.
Tadbirda filial professor-o‘qituvchilari hamda talaba-yoshlar ishtirok etishdi.
Tadbirda talabalar tomonidan ijro etilgan hind milliy raqs va kuy qo‘shiqlari yig‘ilganlarga o‘zgacha taassurot qoldirdi.
Ma’lumot o‘rnida: Chhatrapati Shivaji Maxaraj, 1630 yilda Pune shahrida tug’ilgan, Maratha imperiyasining asoschisi hisoblanadi. U o’zining ajoyib rahbarligi, harbiy taktikasi va ma’rifatli boshqaruvi bilan mashhur bo‘lgan. Chhatrapati Shivaji Maxaraj Konkan qirg’og’ida birinchi bo’lib dengiz kuchlarini o’rnatgan va uni Hindiston dengiz flotining otasiga aylantirgan.
Shu sabab uning tavvalludi Hindiston mamlakatida keng nishonlanadi.
