Besh tashabbus doirasida talaba qizlar uchun tikuvchilik bo‘yicha master-klass!
TTA Termiz filiali talabalar turar joyida Besh muhim tashabbus doirasida talaba qizlar uchun tikuvchilik bo‘yicha master-klass tashkil etildi.
Mahorat darsi tyutor Haydarqulova Mavlyuda tomonidan o‘tkazilib, qizlarga ko‘ylak tikish sir-asrorlari o‘rgatildi.
Ushbu tadbirda Hindiston mamlakatidan kelib filialga tahsil olgan talabalar ham qiziqish bilan ishtirok etishdi.
Tadbirda yoshlar bilan ishlash bo‘yicha dekan o‘rinbosarlari, tarbiyachi pedagoglar ham qatnashib, qizlar uchun tikish ishlari nafaqat kasb sifatida, balki hayotda, oila muhitida ham foydali ko‘nikma ekani ta’kidlandi.
Besh tashabbus doirasida tashkil etilgan bunday loyihalar yoshlarning ijodiy salohiyatini rivojlantirish, ularning qo‘shimcha kasb-hunar o‘rganishlariga keng imkoniyat yaratmoqda!
