Avval xabar berganimizdek, ayni kunlarda Toshkent davlat tibbiyot universiteti Termiz filiali direktori F.Otamuradov boshchiligidagi delegatsiya a’zolari Xitoyning Shinjon-Uyg‘ur avtonom rayoni markazi — Urumchi shahrida «Xitoy – Markaziy Osiyo» an’anaviy tibbiyot forumida faol ishtirok etmoqda.

Forumning asosiy yo‘nalishlari:

An’anaviy va zamonaviy tibbiyotning samarali uyg‘unlashuvi

Ilmiy-tadqiqot loyihalarida hamkorlikni kengaytirish

Tibbiyot ta’limi sifatini oshirish bo‘yicha innovatsion metodlarni joriy etish

Malakali kadrlarni tayyorlash va ularning malakasini doimiy oshirish

Bunday xalqaro darajadagi tashabbuslar nafaqat sog‘liqni saqlash tizimining rivojiga xizmat qiladi, balki tibbiyot ta’limining sifatini yanada oshirish va xalqaro hamkorlik aloqalarini mustahkamlashda muhim omil bo‘lmoqda.

Toshkent davlat tibbiyot universiteti Termiz filiali jamoasi o‘zaro tajriba almashish va yangi istiqbollarni belgilash uchun ushbu forumdan foydalanmoqda.