Toshkent davlat tibbiyot universiteti Termiz filialida “To‘maris izdoshlari” tanlovining filial bosqichi tashkil etildi. Ushbu tanlov yosh qizlarning nafaqat bilim va zakovati, balki jasorati, liderlik qobiliyati va milliy qadriyatlarga sodiqligini namoyon etishga xizmat qildi.

Tanlov davomida ishtirokchilar turli shartlar asosida o‘z bilim va mahoratlarini sinovdan o‘tkazib, faollik va tashabbuskorlik namunalarini ko‘rsatdilar. Ayniqsa, ularning chiqishlari tomoshabinlarda katta taassurot qoldirdi.

Mazkur tanlov yoshlar orasida vatanparvarlik ruhini mustahkamlash, ularni har tomonlama qo‘llab-quvvatlash va kelajakda yetuk mutaxassis bo‘lib yetishishlariga zamin yaratadi.